Ja pse futbolli është i bukur/Lindi me një krah, Santiago debuton si profesionist

Sakrifica dhe thyerja e tabusë u bë realitet në Kolumbi, Santiago Arroyave ka debutuar si futbollist profesionist edhe pse është i lindur pa një krah. Por megjithëse kishte këtë defekt të madh, ai ka arritur kapërcimin tek ekipi i parë dhe javën e kaluar ka debutuar si profesionist në Kupën e Kolumbisë.Pesë minuta para fundit, trajneri i tij Juan-Carlos Alvarez ka futur në fushë Santiago-n mes duartrokitjeve të të pranishmëve për skuadrën e Leones, që luan në Primera A. Gjithsesi, ekipi i tij nuk arriti të përmbyste rezultatin e ndeshjes së parë ndaj Deportivo Pereira, por gjithsesi, ishte një fitore e madhe për 18-vjeçarin. Pas vërshëllimës së fundit ai është përgëzuar nga të gjithë të pranishmit. Që në moshën 6-vjeçare, Santiago luan përditë me topin me qëllimin për të luajtur si profesionist.“Nuk do të jemi në gjendje të jemi me të, për shkak të çështjeve të punës, por jemi të kënaqur me atë që Santiago po përjeton, e gjithë kjo është një shpërblim për përpjekje, përkushtim, këmbëngulje,” tha nëna e Santiago në një intervistë.Që ka vetëm krahun e djathtë, nuk e shqetëson shumë. Në fund të fundit, futbolli nuk luhet me duar. Idhulli i tij është Ronaldinho. Ndërkohë Santiago është kthyer në një yll sportiv. Në Instagram ai ka plot 100.000 tifozë dhe gati çdo ditë ai poston video tepër pozitive. Që prej vitit të kaluar ai është aktiv edhe në Youtube, aty ai ndan historinë e jetës së tij me komunitetin.