Sir Alex Ferguson është zgjuar nga koma që ra pas një hemorragjie cerebrale që pësoi të shtunën e kaluar. Ish-trajneri i Manchester United u operua me urgjencë dhe duket se gjithçka përfundoi me sukses. Por ajo që bën më shumë përshtypje janë fjalët që ai thotë, fjalë që tregojnë një dashuri të pastër për futbollin.
Mësohet se sapo është zgjuar nga koma, skocezi 76-vjeçar ka pyetur mbi rezultatin e Doncaster, skuadër që drejtohet nga i biri Darren Ferguson. Më pas, ai u ka thënë familjarëve këto fjalë: “E di që nuk e shoh dot finalen e Kupës së Mbretëreshës, por a mund ta shikoj finalen e Champions League?”.
Për mjekët dhe familjarët pyetje të tilla janë shumë shpresëdhënëse për gjendjen shëndetësore të Fergusonit, por sigurisht që trajneri legjendar duhet të qëndrojë pushim për një kohë të gjatë. Pra, vështirë se në datën 26 maj do të mund të udhëtojë në Kiev për të parë nga afër përballjen Real Madrid-Liverpool.
