Pasditen e sotme në kryeqytet ka ndodhur një sherr me thika ku për pasojë kanë mbetur të plagosur një çift të rinjsh.
Ngjarja ka ndodhur rreth orës 15:00, në zonën e “Unazës së Re”. Nga konflikti me thika që ka ndodhur jashtë një lokali, kanë mbetur të plagosur shtetasi A. M., rreth 27 vjeç dhe e fejuara e tij, shtetasja K. K., rreth 23 vjeçe.
Shtetasit e dëmtuar janë transportuar për ndihmë mjekësore në Spitalin Ushtarak dhe aktualisht ndodhen jashtë rrezikut për jetën.
Ndërkohë, janë kapur dhe shoqëruar në ambientet e policisë shtetasit : H.N, Ç. Sh dhe F.P, tre autorët e plagosjes me thikë të çiftit.
