Pas arrestimit të pronarit të “Arbi Garden”, Arbër Çekaj në magazinën e të cilit u gjetën 613 kilogramë kokainë e fshehur në kontejnerin e bananeve, kanë ardhur edhe reagimet e para politike.
Deputeti i Partisë Demokratike, Enkelejd Alibeaj tha se arrestimi i Çekajt është një gjë shumë e mirë. Teksa u shpreh skeptik lidhur me faktin se kush fshihet vërtetë pas kokainës, demokrati tha se kjo ishte dorë vetëm e tregtarit.
“Është gjë e mirë arrestimi. Por se besoj se një tregtar bananesh të mund të ofrojë të gjitha këto garanci. Besoj që dikush tjetër, që nuk merret me tregti bananesh i ka këto në dorë. Gjithsesi është shumë mirë që të fillohet nga ky moment. Sukses do të ishte kapja e “arkitekteve” Përse nuk u prit të merrej informacion? Sukses nuk është vetëm sekuestrimi, por edhe autorët”, tha Alibeaj i ftuar në rubrikën “Opinion” në ‘News24’.
https://tiranatoday.com/u-kap-me-613-kg-kokainearrestohet-ne-gjermani-arber-cekaj/
