Ambasadorja e Bashkimit Evropian në Shqipëri duke folur në forumin për sigurinë në qytetin e Lezhës tha se shqiptarët nuk duhet të kërkojnë azil pasi nuk do ta përfitojnë atë, por vetëm personat që vijnë nga zonat e luftës.
Ajo iu bëri një thirrje shqiptarëve që të mos kërkojnë azil në vendet e BE-së, pasi kjo do të ishte një humbje kohe dhe e kushtueshme për xhepat e tyre.
Sipas Vlahutinit, azili u jepet vetëm shtetasve që vijnë nga vendet në luftë.
“S’më pëlqen shprehja që duam të shkojmë në Evropë, sepse Shqipëria është në Evropë, është ne zemër të Evropës. Ajo çfarë duhet të përpiqeni të bëni është të arrini ato standarde evropiane që të jenë në përputhje me të gjitha shtetet anëtare të BE. Do t’iu lutesha të pranishmëve por edhe të tjerëve, që të mos iu drejtoheni vendeve të BE për azil, sepse falë zotit Shqipëria nuk është në luftë si Siria apo Afganistani, ndaj do të ishte humbje kohe dhe kosto e lartë për të gjithë ata që ndërmarrin një gjë të tillë”, tha Vlahutin.
