Gjithmonë që ai flet, lëshon deklarata mjaft të forta. Këtë herë në një intervistë në SHBA, Zlatan Ibrahimoviç është shprehur se ka refuzuar një ofertë nga Kina, plot 100 milionë dollarë, vetëm për t’u bërë pjesë e Los Angeles Galaxy. Gjiganti suedez që bëri bujë pak dit më parë me deklaratat se do të marrë pjesë në Botërorin e Rusisë sqaroi se ajo që kërkonte në këtë moment nuk ishin paratë.
“Po, është e vërtetë. Kisha shumë oferta, njëra prej tyre vinte nga Kina, por refuzova, sepse e ndieja që fati im ishte në Los Angeles. Sfida ime ishte Los Ageles Galaxy dhe të isha njeri i rëndësishëm këtu. Për këtë arsye zgjodha këtë klub.”
Pyetjes së gazetarit, se si ka mundësi që ai ka refuzuar 100 milionë dollarë, Ibra iu përgjigj: “Paratë nuk janë të rëndësishme. Sigurisht që ishte një shumë e madhe, por nuk mjaftonte për atë që unë kërkoja.”
