Shefja e diplomacisë së BE-së, Federica Mogherini, me rastin e Ditës Botërore të Lirisë së Shtypit, tha se liria e shprehjes dhe shtypit janë rrezikuar në gjithë botën.
“Sulmet kundër mediave dhe gazetarëve janë sulme ndaj demokracisë dhe lirisë për të gjithë ne“, tha Mogherini në një deklaratë për median.
Jo më larg se dy ditë më parë u vranë 5 gazetarë në Afganistan pasi një militant i ISIS-it i maskuar si gazetar kishte kryer sulmin kamikaz në Kabul.
Gazetarët po mbulonin ngjarjen e shpërthimit të parë kur befasisht u goditën nga shpërthimi i dytë kamikaz. Këto dy shpërthime kanë ndodhur në pjesën Shash Darak të qytetit, që njëherazi është shtabi i ushtarëve të NATO-s dhe një numër ambasadash.
Ndërkohë, sipas raportit të Dash për Shqipërinë thuhet se mediat tek ne nuk janë të lira sepse janë shumë të ndikueshëm nga politika dhe interesat.
