Janë bërë publike shifrat se sa shqiptarë ndodhen në burgjet apo në ambiente paraburgimi jashtë vendit. Shifrat u bënë publike nga Ministri për Diasporën, Pandeli Majko, gjatë një tryeze mbi të drejtat e shtetasve shqiptarë të privuar nga liria jashtë vendit.
Ai është shprehur se janë rreth 5-mijë persona të cilët ndodhen në këto ambientet u shpreh ministri për Diasporën, Pandeli Majko.
“Mendohet se më shumë të dënuar apo të paraburgosur shqiptarë ka jashtë vendit sesa brenda tij. Sipas statistikave, në Greqi janë 1655 shtetas shqiptarë të dënuar apo paraburgosur, në Itali rreth 1600 shtetas shqiptarë të burgosur nga të cilët 100 në paraburgim, në Gjermani 768 shtetas shqiptar të burgosur, në Britani 750 vetë, në Hollandë 92 vetë, në Austri 52 shtetas të burgosur apo në paraburgim. Këto statistika i përkasin llogaritjeve deri në shtator 2017”, tha Majko gjatë takimit.
