Tirana Today
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing
No Result
View All Result
Tirana Today
No Result
View All Result
Home Shqipëria Politikë

Negociatat me BE/ Cilat janë rezervat ndaj Ramës në Berlin?

7 vjet ago
in Politikë, Shqipëria, Të Gjitha
Negociatat me BE/ Cilat janë rezervat ndaj Ramës në Berlin?

Vendimi për çeljen e negociatave të anëtarësimit me Shqipërinë do të merret në qershor, kur të mblidhen krerët e shteteve të BE-së. Deri atëherë Gjermania duhet ta ketë gjetur pozicionin për qëndrimin e saj.

Kryeministri i Shqipërisë Edi Rama me Gunther Krichbaum, të mërkurën, në Bundestag.

Vendimi për çeljen e negociatave të anëtarësimit me Shqipërinë dhe Maqedoninë do të  merret në samitin e BE në qershor. Deri atëherë edhe Gjermania duhet të jetë pozicionuar për qëndrimin e saj, sepse nuk është vetëm qeveria ajo që do të marrë një vendim, por edhe Kuvendi Federal (Bundestag) dhe Këshilli Federal (Bundesrat).

“Qeveria Federale dhe unë, si përfaqësues në Këshillin për Çështje të Përgjithshme, do të themi po, kur të marrim dritë të gjelbër nga Kuvendi Federal (Bundestag) dhe Këshilli Federal (Bundesrat), gjë që për momentin nuk po e shoh ende”, tha të mërkurën në Berlin deputeti socialdemokrat Michael Roth, i cili njëkohësisht është edhe ministër shteti për Europën, pranë ministrisë së Jashtme gjermane.

Në fjalën që ai mbajti gjatë një tryeze të rrumbullakët që Fondacioni Friedrich Ebert, kishte organizuar në Berlin me rastin e vizitës së kryeministrit Edi Rama, Roth tha gjithashtu se partia e tij është për hapjen e negociatave. Por shtoi se “ka rezerva të mëdha nga CDU-CSU dhe këto duhet të mënjanohen.”

Siç bëri të ditur për DW, ish-kryetari i Partisë Socialdemokrate dhe sot president i fondacionit Friedrich Ebert, Kurt Beck, dy partitë e koalicionit do të përpiqen së shpejti që të gjejnë një pozicion të përbashkët për këtë çështje: “Mes dy partive të koalicionit ka diskutime. Ka një sërë politikanesh dhe politikanësh në CDU/CSU që vërtet janë skeptikë. SPD-ja do që t’ia hapë rrugën Shqipërisë. Tani ka nisur procesi i krijimit të mendimit unë shpresoj që ai të dalë pozitiv”, tha Beck.

Por ky proces është vështirësuar ndërkohë, për shkak të artikujve të shkruar në disa media shqiptare kundër deputetit kristian-demokrat, Gunther Krichbaum. Kryetari i Komisionit të Bundestagut për Bashkimin Europian, në të njëjtën ditë me shpalljen e rekomandimit të Këshillit të Evropës për çeljen e negociatave, tha në një intervistë për DW (shqip) se Shqipëria ka ende deficite në luftimin e korrupsionit dhe krimit të organizuar.

Disa media në Shqipëri iu përgjigjën këtij prononcimi me artikuj që e sulmonin personalisht deputetin gjerman. Siç bënë të ditur për DW qarqet e CDU-së në Berlin, disa deputetë demokristianë mendojnë se artikujt që e akuzonin deputetin gjerman si pro-rus dhe pro-serb dhe si vegël të opozitës shqiptare, vinin nga autorë të afërm me Partinë Socialiste.

Kjo ishte arsyeja se përse deputetët rreth grupit parlamentar për Ballkanin Perëndimor, në shenjë solidariteti me kolegun e tyre, vendosën të mos i përgjigjeshin ftesës që u kishte bërë kryeministri Rama në një nga restorantet më luksoze dhe ekskluzive të Berlinit. Këtë ia konfirmuan DW (shqip) dy deputetë të këtij fraksioni. Ndërsa zyra e Gunther Krichbaum-it, i tha DW se tashmë është anuluar edhe vizita që Gunther Krichbaum kishte planifikuar të bënte në Shqipëri në fillim të muajit të ardhshëm.

Edhe pse kreu i qeverisë shqiptare, gjatë seancës dëgjimore në Komisionin e Bashkimit Europian, u distancua nga artikujt në fjalë, deputetët mendojnë se kjo mënyrë e të përgjigjuri ndaj kritikave me akuza personale është një shenjë presioni. “Kjo fushatë nuk ka të bëjë me zotin Krichbaum, këtu dërgohet hapur një sinjal brenda vendit. Ne shpifje për ata që dalin kundër nesh”, i tha DW referenti i një deputeti që kishte refuzuar pjesëmarrjen në darkën e kryeministrit.

Krichbaum ndërkohë, pas kthimit të Ramës në Tiranë e konfirmoi edhe njëherë hapur qëndrimin e tij  kundër çeljes së negociatave me anë të një mesazhi në rrjetet sociale.

“Progresi i arritur deri tani është i pamjaftueshëm”, argumentoi Krichbaum pa dhënë hollësi të mëtejshme se çfarë duhet të bëhet në Shqipëri për të arritur përparimet e duhura.

Impakti për qëndrimin e Gjermanisë

Krichbaum është i vetmi politikan i CDU-së që ka dalë hapur deri tani kundër çeljes së negociatave. Se sa deputetë të partisë së tij janë kundër fillimit të negociatave, kjo nuk dihet. Vëzhgues mendojnë fraksioni i CDU/CSU-së nuk e ka përmbyllur ende procesin e formimit të një qëndrimi.

Por çeljen e negociatave e mbështesin edhe deputetë të fraksioneve të tjera parlamentare që aktualisht janë në opozitë. Të tillë janë Të Gjelbrit. Manuel Sarrazin, deputet i kësaj partie dhe anëtar i Komisionit të Bundestagut për BE-në e shikon të nevojshme çeljen e negociatave:

“Kush ka interes ta nxisë qeverinë shqiptare të çojë përpara reformat, duhet të kuptojë se çelja e negociatave na jep më shumë instrumente për të kërkuar transformime konkrete, sesa po t’i zvarrisim ato pa afat”, tha Sarrazin në një intervistë për DW shqip.

Sipas Sarrazinit, i cili ishte vetë në Shqipëri para pak kohësh, parakushti për hapjen e negociatave, Vettingu, është plotësuar. “Shqipëria është një vend kyç për integrimin e suksesshëm të Ballkanit Perëndimor në BE dhe  momenti aktual është shumë vendimtar për të qenë i suksesshëm në të gjithë rajonin”, argumenton Sarrazin.

Reformat vazhdojnë

Si për Ramën ashtu edhe për favorizuesit e tjerë të çeljes së negociatave është e qartë se negociatat nuk do t’i japin fund reformave. Prandaj edhe ministri i shtetit Roth, përveç premtimit për angazhimin e tij të fortë për çeljen e negociatave i shprehu kryeministrit shqiptar disa shqetësime, që mund të kuptoheshin edhe si fusha në të cilën mund të fokusohej puna e qeverisë shqiptare për t’ua bërë më të lehtë të lëkundurve që të ndryshojnë mendim në favor të Shqipërisë.

Roth tha se shpreson që të hapet një proces ndaj ish-ministrit të brendshëm Saimir Tahirit, “në mënyrë që të bëhet e qartë se organet e drejtësisë janë të pavarura.”

Ai po ashtu tërhoqi vëmendjen që të mos nënvleftësohet ekonomia, në mënyrë që edhe brezi i ri të shohë një perspektivë në vendin e tij: “Gëzohemi për çdo shqiptar të ri që është i diplomuar dhe vjen në tregun e punës në Gjermani. Por ky largim i madh i trurit (brain drain) është i padrejtë për Shqipërinë”, tha politikani gjerman. Ju keni nevojë për të rinjtë, sepse pa këtë brez të ri e të kualifikuar do ta keni të vështirë ta ankoroni vendin tuaj në mes të Evropës.

Michael Roth

Roth u ankua edhe për fenomenin e polarizimit total që sundon në sistemin politik në Shqipëri, por edhe në shumë vende të tjera të Evropës Lindore, ku rivali politik shihet si armik: “Sjellja e opozitës në parlament është e papranueshme. Nuk mund të ndërpritet thjesht puna parlamentare dhe të dalësh nga parlamenti. Duhen shfrytëzuar instrumentet demokratike”, tha ministri gjerman dhe shtoi: “Por unë pres që qeveria dhe partitë qeveritare të bëjnë gjithnjë tre hapa përpara drejt opozitës dhe të mos presin derisa të vijë opozita dhe të bëjë një hap drejt tyre.”

Një sugjerim tjetër i ministrit gjerman për kryeministrin Rama por edhe për liderë të tjerë në Ballkan, ishte përfshirja e shoqërinë civile në rrugëtimin drejt Europës. “Nëse nuk e bëjmë ne, do të hyjnë të tjerët që do ta plotësojnë këtë boshllëk”, tha ai duke pasur parasysh ndikimet nga Turqia, Rusia apo Kina. DW

TË LIDHURA

“Paraburgimi mund të zgjatet minimalisht një vit”, Lala jep detaje nga vendimi i gjykatës për Veliajn
Politikë

“Paraburgimi mund të zgjatet minimalisht një vit”, Lala jep detaje nga vendimi i gjykatës për Veliajn

22:48 | 09/06/2025
Kurti takon kryetarët e Mitrovicës: Mbështetje për bashkëpunim dhe projekte
Kosovo

Kurti takon kryetarët e Mitrovicës: Mbështetje për bashkëpunim dhe projekte

22:26 | 09/06/2025
Të gjitha “krimet” e Belind Këlliçit
Politikë

Këlliçi: Nesër pamje filmi për “trenin bullgar”, fshehin fletën

22:24 | 09/06/2025
Next Post
Ja kush janë prokuroret që do të hetojnë zyrtarët e lartë në Fier

Ja kush janë prokuroret që do të hetojnë zyrtarët e lartë në Fier

Sherr live/ Çani: Je naiv, debil. Dyrnjaja: Kur jepja unë lajmet, ti ishe për një copë picë

Sherr live/ Çani: Je naiv, debil. Dyrnjaja: Kur jepja unë lajmet, ti ishe për një copë picë

Foto+Video/ Sekretet e takimit historik mes dy Koreve, shtrëngim duarsh disa herë dhe përqafime

Foto+Video/ Sekretet e takimit historik mes dy Koreve, shtrëngim duarsh disa herë dhe përqafime

JU REKOMANDOJMË

Tragjedi: Foshnje dhe grua të pajeta, trupa të braktisur në shkurre!

Tragjedi: Foshnje dhe grua të pajeta, trupa të braktisur në shkurre!

22:29 | 07/06/2025
Dumani i përgjigjet Berishës: Data e operacionit është vendosur me autoritetet ndërkombëtare

Dumani i përgjigjet Berishës: Data e operacionit është vendosur me autoritetet ndërkombëtare

14:17 | 03/06/2025
Valeri i Big Brother vjen plot surpriza, firmos kontratë me spektaklin e njohur

Valeri i Big Brother vjen plot surpriza, firmos kontratë me spektaklin e njohur

15:27 | 21/06/2019
Trupi i pajetë i 30-vjeçares rumune gjendet pa k*kë

Trupi i pajetë i 30-vjeçares rumune gjendet pa k*kë

10:29 | 05/06/2025




TË FUNDIT

“Paraburgimi mund të zgjatet minimalisht një vit”, Lala jep detaje nga vendimi i gjykatës për Veliajn
Politikë

“Paraburgimi mund të zgjatet minimalisht një vit”, Lala jep detaje nga vendimi i gjykatës për Veliajn

by mirseda
22:48 | 09/06/2025
0

Apeli i GJKKO-së vendosi sot ta rrëzojë kërkesën e kryebashkiakut Erion Veliaj për të fituar lirinë. Gazetarja...

Serbia i cakton një muaj paraburgim ish-policit të Njësisë Speciale në Kosovë

Serbia i cakton një muaj paraburgim ish-policit të Njësisë Speciale në Kosovë

22:42 | 09/06/2025
Kurti takon kryetarët e Mitrovicës: Mbështetje për bashkëpunim dhe projekte

Kurti takon kryetarët e Mitrovicës: Mbështetje për bashkëpunim dhe projekte

22:26 | 09/06/2025
Të gjitha “krimet” e Belind Këlliçit

Këlliçi: Nesër pamje filmi për “trenin bullgar”, fshehin fletën

22:24 | 09/06/2025
Vokshi: 20 deputetë të PS lidhje me banda, përmend emra në Elbasan e Durrës

Vokshi: 20 deputetë të PS lidhje me banda, përmend emra në Elbasan e Durrës

22:21 | 09/06/2025

Tirana Today


© 2024 TiranaToday Dev By: Techzero1.com


© TIrana Today. All rights reserved.

Kontakt

EMAIL : [email protected]

Cel: +355694040005

Follow Us

Tirana Today

© TIrana Today. All rights reserved.

EMAIL : [email protected]

Cel: +355694040005

© 2022 TiranaToday Dev By: wearedope.com

Follow Us

No Result
View All Result
  • Fillimi
  • Kryesore
  • Aktualitet
  • Politikë
  • Ekonomi
  • Opinion
  • Rajoni
  • Bota
  • Showbizz
  • Sport
  • Kulturë
  • Kuriozitete
  • Teknologji
  • Vox Pop
  • Media Marketing

© 2024TiranaToday Dev by : Techzero1.com