Magjistari David Copperfield është detyruar të zbulojë sekretet e magjive të tij më të famshme pasi u padit nga një turist britanik.
61-vjeçari është marrë në gjykatë në Las Vegas, pasi kuzhinieri David Cox ka paraqitur një padi për neglizhencë pasi u lëndua në një prej shfaqjeve të iluzionistit, shkruan Mirror.
Një gjykatës ka vendosur që sekretet e magjistarit të cilat konsiderohen si një prej mashtrimeve më të famshme të Copperfield-it duhet të bëhen publike.
Avokatët e magjistarit amerikan kishin argumentuar se zbulimi i mënyrës se si realizohet iluzioni “Numri me fat 13” do të dëmtonte financiarisht Copperfield, i cili ka vlerë rreth £ 560million, transmeton Tirana Today.
Por gjyqtari nuk u pajtua me kërkesën e avokatëve, pasi tha se rreth 55,000 njerëz, të cilët tashmë kanë marrë pjesë në mashtrim, e dinë se si funksionon.
Kuzhinieri Cox thotë se ai pësoi dëmtime të trurit dhe një lëndim në shpatull pasi u rrëzua në mbeturinat në një shesh ndërtimi gjatë mashtrimit. Ai tha se një skaner tregonte një plagë në trurin e tij. TIRANA TODAY
