Me të ardhur nga Berlini, ku ishte për një vizitë disa ditore, kreu i PD-së, Lulzim Basha ka sjellë me vetë një barrë me “lajmë të zeza”, për vendi tonë porsa i përket hapjes së negociatave të Shqipërisë dhe BE-së.
Ndërsa nga ana tjetër është shprehur se Gjermani kërkon përmbushjen e 7 kushteve nga Shqipëria, dhe jo 5 kushteve të cilat i ka vlerësuar BE, por më pas do t’i vlerësojë çdo shtet anëtarë i BE-së.
Ndërsa nga ana tjetër ai ka vënë në dukej janë gjithsej 32 kapituj që do të shqyrtohen, dhe respektivisht hapen nga dy kapituj në një vit.
“Takimi në Rinas ndodhi për arsyen e thjeshtë se isha në Berlin, shkuam të kërkonim një votë pro të një vendi skeptik. Rekomandimi pozitiv është ftesa për tu futur në oborrin e BE, derën nuk e hap rekomandimi por vendet anëtare të BE. Janë 35 kapituj negociatash që hapen dy e nga dy çdo vit. Pra na pret një punë e gjatë dhe voluminoze, vetëm kur të ketë plotësuar reformat që e sjellin legjislacionin afër me atë të BE, prandaj e përsëris nuk është dita për të festuar, por për të punuar”,– tha Basha.
E duke u ndalur tek skepticizmi i gjermanëve, kryeopozitari Basha tha se ata e njohin realitetin shqiptar, sidomos situatën e lidhur me krimin, drogën dhe korrupsionin.
“Për hapjen e negociatave ka 5 kushte, Gjermania ka 5+ 2 shtatë të tilla. Pata një seri takimesh në Bundestag me anëtarë të partisë e CDU/CSU, ku kërkova hapjen e negociatave. Hasëm në skepticizëm. Pyetja e parë që mu bë është pse po e kërkojmë? Më thanë që banditët janë në arrati, por edhe figura të larta si Saimir Tahiri. Gjermania është e mirëinfomuar, i dinë të gjitha. Dinë që ai s’po arrestohet, ashtu si dy shefat e lartë të policisë që ia mbathën. Shqipëria renditet në 11 vendet më të korruptuara. Pavarësisht kësaj ne thamë se sa më shumë të vijojë integrimi, aq më shumë presion do ketë mbi qeverinë.
Unë atje kërkova hapjen e negociatave dhe pata një sërë takimesh në nivel të lartë. Por hapja e negociatave është një proces i mundimshëm. Bushati i është thënë në sy nga Berlini se për ne Shqipëria nuk i ka përmbushur kushtet. Por pse e fshehin? Nuk zgjidhte problemi duke e fshehur”, -tha Basha.
