Një aksident i rëndë rrugorë ka ndodhur mbrëmjen e së dielës në Torino të Italisë, ku tre të rinj, dy italianë dhe një shqiptar ishin në automjet.
Sipas medias italiane “La Repubblica”, të rinjtë po udhëtonin me një makinë tip Ford Fiesta në autostradën A5, në drejtim të Torinos kur mjeti doli nga rruga, rreth orës 21:00.
Makina e tyre u rrokullis për rreth 100 metra në fushë përpara se të ndalonte, duke u shkatërruar thuajse tërësisht.
Fatmirësisht të tre të rinjtë, të moshës 24, 22 dhe 25 vjeç, të cilët jetonin në Pont-San-Martin, janë jashtë rrezikut për jetën.
Për nxjerrjen e tyre nga makina u desh ndërhyrja e zjarrfikësve, ndërsa dinamika e këtij aksidenti po hetohet nga policia rrugore e Torinos.
