Një ngjarje e frikshme ka ndodhur paraditen e sotme në Durrës, ku është tentuar të grabitet një bankë e nivelit të dytë.
I riu është identifikuar si Kreshnik Margjoni i ditëlindjes 1994 nga Rresheni, banues në Kënetë. 34-vjeçari, ka hyrë në ambientet e bankës dhe ka kërcënuar punonjësit e saj, të cilët janë terrorizuar dhe më pas kanë arritur të lajmërojnë policinë .
Ai ka tentuar të vjellë xhiron ditore, por nuk a ja ka dalë dot. Forcat e policisë rrethuan menjëherë bankën dhe më pas bënë të mundur arrestimin e autorit.
Njoftimi i policisë
Më datë 13.04.2018, rreth orës 11:10 në lagjen Nr.4 Durrës, në ambientet e një banke të nivelit të dytë, shtetasi Kreshnik Margjoni. 24 vjeç, banues në Durrës, ka tentuar të vjedhë me dhunë, nën kërcënimin e një thike një sasi parash.
Menjëherë në vendngjarje kanë shkuar Efektivët e Policisë, të cilët kanë bërë të mundur kapjen e autorit, sekuestrimin e thikës dhe të parave.
Shtetasi i mësipërm është shoqëruar në ambientet e Komisariatit të Policisë Durrës për kryerjen e veprimeve të mëtejshme procedurale në bashkëpunim me Prokurorinë e Rrethit Gjyqësor Durrës.
