Ronaldo dhe Buffon janë takuar në zonën mix pas ndeshjes. Si dy kampionë, ata janë përshëndetur me njëri-tjetrin duke lënë pas të gjithë atë që ndodhi në fushë.
Në video vihet re që Ronaldo i thotë Buffonit “Perdona”. Nuk dihet nëse e kishte për festën që bëri pasi shënoi golin, apo për mënyrën se si shkoi ndeshja.
Buffon dhe Ronaldo ishin dy nga protagonistët në ndeshjen mes Real Madrid dhe Juventus mbrëmjen e së mërkurës. Njëri mori karton të kuq për shkak të protestave, ndërsa tjetri e konkretizoi në gol penalltinë në sekondat e fundit pavarësisht presionit të madh që kishte.
