Simptomat e kancerit ndryshojnë në varësi të pjesës së trupit që ka prekur një tumor. Ju mund të jeni në rrezik të kancerit të veshkave, nëse keni dhimbje në anën tuaj.
Sëmundja, e njohur edhe si kanceri renal, diagnostikohet kryesisht tek njerëzit e moshave 60 ose 70-vjeç.
Në një numër rastesh, kanceri i veshkave kuptohet vetëm gjatë testeve rutinë, pasi simptomat mund të jenë të pakapshme. Nëse kapet në fillim, kanceri shpesh mund të shërohet.
Ju duhet të konsultoheni me një mjek në qoftë se keni një dhimbje në anën tuaj, pasi ajo mund të jetë një shenjë paralajmëruese e hershme e kancerit të veshkave.
“Në shumë raste, nuk ka simptoma të dukshme në fillim dhe kanceri i veshkave mund të kuptohet vetëm gjatë testeve të kryera për një arsye tjetër. Nëse shfaqen simptoma, ato mund të përfshijnë një dhimbje të vazhdueshme në pjesën e pasme të shpinës ose në anën, nën brinjën tuaj.
Edhe pse nuk ka gjasa që të keni kancer, është e rëndësishme që kur të keni këto simptoma të kontrolloheni”.
Simptoma më e zakonshme e kancerit të veshkave është gjaku në urinë.
Veshkat janë përgjegjës për filtrimin e gjakut dhe heqjen e produkteve të mbeturinave të cilat i konvertojnë në urinë. Pacientët në rrezik mund të zbulojnë gjithashtu se urina e tyre është më e errët se normale, ose me ngjyrë të kuqërremtë. TIRANA TODAY
