Një 29-vjeçar shqiptar ka mbetur i plagosur rëndë, pasi u rrah në mënyrë barbare nga një grek në Zvicër. Përleshja e dhunshme ndodhi në 25 mars 2017 në “Club Vior” të rrugës Löwewenstrasse, ndërsa është sekuestruar një automatik (24) nga Dübendorf.
24-vjeçari grek kishte lindur në Cyrih, ndërsa të enjten doli përpara gjykatës për veprën penale. Ai kishte qëlluar shqiptarin me grushta në fytyrë, duke e shtrirë përtokë.
Shqiptari mori lëndime të rënda: theu hundën, një dhëmb dhe mori tronditje në tru. Për këtë është fajësuar 24-vjeçari grek, i cili gjithashtu përgjatë një përleshje kishte kërcënuar me vdekje një shofer dhe bashkudhëtar, shkruan albinfo.ch.
“Grushtat ishin vetëm një tërheqje veshi”
Përpara gjykatës greku ishte i qetë dhe i qëndrueshëm, por sipas tij nuk kishte ndodhur ngjarja aq keq. 24 vjeçari ka mohuar kërcënimet me vdekje. Përveç kësaj ai shtoi se në vend të grushtave ka pasur vetëm tërheqje veshi dhe shkelmat nuk kishin qenë masive, por vetëm goditje të lehta.
Por ndryshe e pa ngjarjen Gjykata. Ajo foli për një vepër brutale dhe e dënoi grekun për kërcënime dhe lëndime trupore me tre vjet burg. Gjithashtu do dëbohet nga vendi për shtatë vitet e ardhshme.
