Kryetari i Partisë Demokratike Lulzim Basha në një dalje publike në media tha se Edi Rama po grabit qytetarët me taksat më të larta.

“Protesta e sotme tregon se durimit i ka ardhur fundi. Në emër të opozitës i kërkoj Edi Ramës të pezullojë menjëherë tarifën e Rrugës së Kombit, pagesa të kryhet nga fondi që mblidhet me taksën e qarkullimit.

I bëj thirrje Edi Ramës të tërheqë menjëherë policinë dhe të ndalë menjëherë dhunën barbare.

Revolta buron nga padrejtësia dhe dhuna qeveritare mbi ta. Kur përplaset një popull me një qeveri të korruptuar, fiton populli”, tha Basha.