Situatë kaotike dhe tension i madh në Rrugën e Kombit, ndërkohë që protestuesit kanë shkatërruar çdo gjë në atë rrugë.
Me gjithë rezistencën e policisë, protestuesit kanë shkatërruar me mjete të forta, i kanë vënë flakën dhe duke rrëzuar skelat, strukturën e ngritur për pagesën e “Rrugës së Kombit”.
Uniformat blu janë qëlluar me gurë nga qytetarët që kanë dalë në Tunelin e Kalimashit për të protestuar.
Sportelet e vendosura në tunelin kanë rënë në duart e protestuesve të cilët i kanë vënë zjarrin atyre.
Policia nuk ia ka dalë t’i largojë dhe ti qetësojë protestuesit të cilët kanë thyer kabina e sporteleve me gurë. Me sa duket tashmë sporteli ka dalë jashtë funksioni, ndërsa qytetarët vijojnë ende të qëndrojnë aty.
