Detaje të reja kanë dalë në dritë për sa i përket grabitjes në Fier ku mbeti i vrarë 20-vjeçari nga Xhuljano Sollaku dhe u plagos Arben Muça.
E ndërsa ka mbetur akoma mister celularët e viktimës dhe te plagosurit, pasi derimë tani nuk i janë gjetur, ndërsa tre autorët e tjera janë ende të lire dhe akoma nuk është bërë I ditur identiteti i tyre.
Në vendngjarje u gjetën armët dhe një çanta me një palë pinca, me një çelës papagall, një kaçavidë, një levë dhe mjete të tjera që përdoreshin nga grabitësit për të hapur bravat e dyerve.
Dyshohet se para se të shkonin për të kryer grabitjen, ata i kanë lënë celularët në automjetin tip “Fuoristradë” me të cilën u larguan tre prej tyre.
Ndërkohë nga ana tjetër hetuesit janë duke siguruar të dhënat e numrave që janë përdorur së fundmi nga viktima dhe i plagosuri prej të afërmve të këtyre të fundit. Më pas, do t’u kërkohet kompanive celulare përkatëse që të mundësojnë tabultet telefonike të numrave që janë përdorur nga Sollaku dhe Muça.
Policia dhe prokuroria janë duke verifikuar të kaluarën e Sollakut dhe Muçës për të siguruar informacione dhe prova ndaj bashkëpunëtorëve të tyre të mundshëm në këtë ngjarje. Vetë i plagosuri Arben Muça nuk ka pranuar te bashkëpunojë, duke pohuar para hetuesve se ishte i tronditur e nuk mbante mend gjë.
Ditën e djeshme gjykata vendosi masën e sigurisë arrest në burg pa afat ndaj tij.
