Kristian Prenga nuk di të ndalet. Pas eksperiencës në kick-box ku u shpall dhe kampion bote, Prenga po ngjit më së miri shkallet e karrierës dhe në boks. Djaloshi 27 vjeçar nga Mirdita, këtë herë mposhti në ringun e Torontos kampionin e Kanadasë, Tim Chemelli me knock-out teknik.
Një breshëri goditjesh, të sinkronizuara me të majtë dhe të djathtë bënë që kanadezi të shembej në tokë. Kjo ishte fitorja e 3-të me K.O në 8 sfidat e zhvilluara, nga ku ka dështuar vetëm njëherë, në atë përballë Giovanni Auriemma.
