Këshilli Bashkiak i Tiranës i hap rrugën gjatë kësaj jave kredisë së butë për strehimin edhe të 1000 familjeve të tjera gjatë vitit 2018. Vendimi pritet të merret gjatë mbledhjes së radhës së Këshillit Bashkiak që pritet të mbahet të enjten e javës që vjen, datë 29 mars 2018 ora 11.00.
Burimet nga ky Këshill i thanë Alpenews.al se kjo pikë është e shtata në rendin e ditës, por që për nga interesi publik dhe nevojat e qytetarëve duket se mund të jetë pika e parë. Pasi është shumë i madh numri i familjeve që kanë nevoja emergjente strehimi në kryeqytet ku sipas Kryetarit të Bashkisë së Tiranës Erion Veliaj, duhen çdo vit në total llogaritet se duhen 7 000 apartamente të reja si nevojë dhe kërkesë e tregut.
Ata që kërkojnë të përfitojnë nga programi social i strehimit dhe i subvencionimit të interesave të kësaj kredie nga Bashkia e Tiranës, duhet të njihen me formularët e pikëzimit që duhet të sigurojnë, të cilat publikohen ekskluzivisht nga Alpenews.al.
Besohet se pas miratimit nga Këshilli Bashkiak i Tiranës, në prill me konfirmimin e këtij vendimi edhe nga Prefektja e Tiranës, hapet zyrtarisht aplikimi për të përfituar nga kjo kredi e butë dhe brenda një muaji nga ky moment, duhen plotësuar dhe dorëzuar formularët në bashki. Aty më pas del lista e përfituesve sipas pikëve që përfiton çdo aplikant dhe shpallet lista e fituesve përsëri nga Këshilli Bashkiak i Tiranën në një mbledhje tjetër.
Më pas brenda gjashtë muajve të tjerë gjatë këtij viti kalendarik, përfituesit kanë kohë që të gjejnë shtëpinë në treg dhe të aplikojnë për marrjen e kredisë derisa shtëpia të bëhet pronë e tyre edhe me letra e të vijojnë të banojnë atje, duke shlyer kredinë në vijimësi/Alpe News
