Kombëtarja U-21 është duke fituar përballë Sllovakisë me rezultatin 1-0 në “Selman Stërmasi”, falë golit të shënuar nga Rey Manaj. Me këtë rezultat djemtë e drejtuar nga Bushi kanë mbyllur pjesën e parë dhe u duhet që ta ruajnë këtë avantazh për të marrë tre pikë mjaft të rëndësishme. Kujtojmë që pjesa e parë ishte e barabartë, kjo edhe nga terreni i rënduar pas reshjeve të shiut, por rastet më të pastra për shënim i kanë pasur kuqezinjtë.
Aksioni i golit ishte perfekt. Një top i rikuperuar në mesfushë nga Cekici, që pason tek Manaj në krahun e majtë. Ky i fundit avancon para dhe hap topin për Cekën më thellë në të majtë dhe futet në zonë ku shërbehet nga ky i fundit, i vetëm me portierin sllovak Manaj e ka mjaft të lehtë që ta dërgojë top[in në rrjetë.
