Klima që i parapriu vizitës së kryediplomatit grek, Nikos Kotzias në Shkup sipas mediave greke ishte e çuditshme dhe shqetësuese njëkohësisht. Duke iu referuar burimeve, TV ERT raportoi se propozim-marrëveshja me vërejtje e dërguar nga Shkupi le përshtypje se është shkruar nga ish-kryeministri, Nikolla Gruevski, pasi e njëjta përmban të gjitha pozicionet radikale.
Sipas kësaj medieje greke, propozimi grek është 20 faqësh, ndërsa 5 faqësh propozimi maqedonas. Mes dy propozimeve ekzistojnë dallime të shumta, në veçanti rreth Kushtetutës dhe identitetit. Ndërsa ka pajtim vetëm për emrin, me ç’rast “Gorna Makedonija” është propozimi që mbizotëron-shkruan Alsat.
Mediat greke gjithsesi theksuan se mbrëmë në Shkup, u pritën nga një atmosferë e ftohtë. Kështu jo për shkak të temperaturave të ulëta, por për shkak se pos gazetarëve dhe kamermanëve, delegacioni grek i cili mbrëmë bëri aterimin historik në aeroportin e Shkupit, nuk u prit nga Ministri i Jashtëm i Shkupit e as nga ndonjë zyrtarë i Ministrisë së Jashtme a Qeverisë së Shkupit.
