E shkarkoi Partizani, Starova firmos me ekipin e Superligës

Sulejman Starova trajneri që u shkarkua pak dit më parë nga ekipi i Partizanit për të disatën herë, ka gjetur një ekip të ri. Ai ka firmosur me ekipin e Superligës së Kosovës, Ferronikelin. Këtë gjë e ka pohuar vetë “Bobi”: “Po kam firmosur për Ferronikelin. Shpresoj të jap kontributin tim atje dhe të realizojmë objektivin”.

Më herët gjatë ditës së sotme, u përfol se edhe Klodian Duro mund të ishte trajneri i mundshëm për Ferronikelin, por mbrëmjen e sotme është zyrtarizuar Bobi në pankinën e ekipit kosovar. Ferronikeli mbeti pa trajner, pas largimit ditën e djeshme të Ismet Munishit.