Zbardhen të tjera detaje nga hetimet për grupin kriminal që dërgonte në mënyrë të paligjshme shqiptarë në SHBA, Kanada dhe Britani.
ABC News ka mësuar përmes burimeve nga grupi hetimor i dosjes, se grupi kriminal që merrej me këtë aktivitet të paligjshëm drejtohej nga Eno Muçollari dhe bashkëshortja e tij, Lirije Muçollari.
Brenda banesës së tyre tek “Kodra e Diellit” në kryeqytet, ata kishin ndërtuar një laborator, ku falsifikonin dokumente. Ky apartament mësohet se është mbajtur në vëzhgim për 3 muaj.
Burime nga hetimi thanë se Lirije Muçollari kishte udhëtuar në 16 Janar drejt Italisë dhe gjatë kthimit 4 ditë më vonë, në bagazhe iu gjetën kartona me material plastik, të ngjashme me ato që përdoren për kartat e identitetit.
Po ashtu në funksion të zbardhjes së këtij trafiku dhe aktivitetit të grupit kriminal, hetuesit kanë edhe biseda telefonike, si dhe përgjime audio dhe video mes pjesëtarëve të grupit, të goditur disa ditë më parë gjatë një megaoperacioni policor./
