Të dhënat e publikuara nga gazeta gjermane “Die Welt” tregojnë se Greqia ka dëmtuar marrëveshjen e Bashkimit Evropian dhe Turqisë, e cila është nënshkruar dy vjet më parë për të frenuar rrjedhën e refugjatëve dhe emigrantëve në kontinentin e vjetër.
Duke cituar zyrtarë dhe burime konfidenciale në Berlin, Bruksel dhe agjencinë kufitare Frontex të BE-së, raporti pohon se qeveria greke ka vendosur një numër të madh të azilkërkuesve nga ishujt e Egjeut në kontinent, duke parandaluar kështu kthimin e tyre në Turqi.
Mesazhi është se çdo azilkërkues, i cili arrin të mbërrijë në një nga ishujt grekë, atëherë mund të shkojë në Evropën qendrore, thanë zyrtarët në gazetë.
Sipas shifrave të BE-së të cituara nga gazeta, midis marsit 2016 dhe janarit 2018, 62,190 azil kërkues u zbarkuan në ishujt e Egjeut, prej të cilëve 27,635 ose 45 për qind u transferuan më pas në Greqinë kontinentale.
Greqia, thanë të njëjtët zyrtarë, po krijon në mënyrë efektive një nxitje për emigrantët që shpresojnë të hyjnë në kontinent, të cilat mund të çojnë në një rritje në vijmiësi të refugjatëve. Tensionet mes Greqisë dhe Turqisë janë rritur ndjeshëm, pasi pretendimet territoriale dhe strategjia për të dominuar në kauzat e ngritura, po shkojnë drejt një ngërçi të madh. TIRANA TODAY
