Komisioni hetimorë për Saimir Tahirin ka nisur punën. Mbledhjen e ka hapur kreu i komisionit, demokrati Edi Paloka, duke njoftuar edhe zgjedhjen e sekretares së komisionit.
“Maxhoranca besoj se ka gati kandidaturën për sekretarin e komisionit”-tha Paloka.
Pas tij, fjalën e ka marrë deputetja e PS-së, Ermonela Felaj, e cila ka deklaruar: “Në mbledhjen e parë të komisionit, ligji e përcakton qartë se çfarë bëhet, kryetari deklaron qëllimin e ngritjes, detyrat e komisionit dhe planin paraprak të hetimit. Hetimi nuk mund të hapet që sot, se duam të dëgjojmë planin paraprak të hetimit dhe pastaj rezervojmë të drejtën të shprehemi”- tha ajo.
Deputeti Sterkaj propozoi emrin e Klotilda Ferhatit si sekretare e cila më pas edhe u votua.
Pas kësaj, mes palëve ka pasur debat për mbledhjen e radhës, për të çilen palët nuk kanë qenë dakord. PS ka kërkuar qe mbledhja e radhës të bëhet të hënën e ardhshme.
“Rregullorja është standarde, mund të ketë ligji nevoje për rishikim, por nuk e kemi në tagrin për ketë. Rregullorja nuk kërkon kohë, po plani paraprak i hetimit ka nevoje për kohë, propozoj që të vendosim dy ditë në jave, që të mos kemi mundësi jo ishim, jo nuk ishim. Të hënave të çdo javë të bëjmë mbledhjet e komisionit”– tha demokrati Flamur Noka.
