Fondi për qëllime humanitare shpall konkursin për ndarjen e ndihmave materiale dedikuar studentëve. Njoftohen studentët që nga data 15.03.2018 do të fillojë pranimi i kërkesave për t’i ardhur në ndihmë materiale studentëve të komunës së Preshevës.
Të drejtën për ndihmë e kanë.
- Studentët nga familja me prindër të pa punësuar
- Studentët pa njërin ose pa asnjërin prind
- Studentët me njërin prind të punësuar por që të ardhurat materiale, mujore nuk janë në vlerë mbi 40.000 dinarë
- Familje me më shumë se një (1) student
- Studentët të cilët kanë notën mesatare mbi nëntë (9) do të jenë të privilegjuar.
Të drejtën e ndihmës nuk e kanë:
- Studentët që studiojnë në universitete private dhe në afërsi (Preshevë, Bujanoc)
- Studentët me dy prind të punësuar
- Studentët nga familja që zotërojnë biznese private
- Studentët e vitit të parë të studimeve
- Studentët e vitit të fundit të studimeve si dhe studimeve posdiplomatike (studime master, doktoratura)
Dokumentacioni i nevojshëm:
- Kërkesa e studentit (të përshkruaj gjendjen ekonomike-sociale të familjes)
- Vërtetimi që është (student i rregullt i vitit të studimeve)
- Certifikata e notave-transkripta
- Vërtetimi i të ardhurave materiale mujore të familjes
- Kopje e letërnjoftimit të njërit prind ose personit që kujdeset për të.
Vërejtje: Do ta humbasë të drejtën e ndihmës kushdo që sjell kërkesë me deklaratë jo të vërtetë! Dokumentet të dorëzohen nga data 15.03.2018 deri më 31.03.2018.
