Sergio Ramos ishte protagonist i një ngjarje të pazakontë fundjavën që lamë pas, ku Real Madrid u përball me Eibarin. Ramosit iu desh të linte fushën në një moment të ndeshjes si pasojë e kërkesave personale dhe iu drejtua tualetit për rreth 5 minuta.
Programi spanjoll “El Dia Despues” e ndoqi qendërmbrojtësin spanjoll në të gjithë “aventurën” e tij. Djersë, vrapim… Ramos i afrohet arbitrit dhe i merr leje për të shkuar në banjë. Shokëve u premton që do të kthehet shpejt.
Ndërkohë, shokët e tij që ishin në stol, pasi e kuptuan çfarë po ndodhte, nisën të bënin shaka me “fatkeqësinë” e kapitenit të tyre. Kovacic nis të pijë ujë pasi do t’i merret urina për kontrollet antidoping, kur Isco i thotë: “Ty të ra lapsi? Lëre ta bëjë Sergio sepse duke e bërë është”.
Pasi mbaron punë, Sergio Ramos kthehet në fushë dhe u bën me shenjë shokëve që nuk po ndalonte dot në banjë. Gjithashtu, i këshillon që të mos qeshin sepse do ta pësojnë. Por, vështirë të mbahej e qeshura.
