Hamburgu pësoi një humbje të thellë nga gjigantët e Bayer Munich një ditë më parë 6-0 dhe ndodhet e parafundit në tabelë me vetëm 18 pikë. Por duket se tashmë edhe tifozëve u është sosur durimi dhe e kanë kthyer situatën mjaft kritike për lojtarët e Hamburgut. Ata kanë arritur deri aty sa të kërcënojnë me jetë lojtarët dhe duke u përmendur varret.
Përgjatë mbrëmjes së djeshme janë vendosur para stadiumit të Hamburgut disa kryqe varrezash dhe një banderolë e madhe ku shkruhej “Koha juaj mbaroi! Do ju kapim të gjithëve”.
Duket se tifozët e kanë tepruar me kërcënimet e tyre, duke ju përmendur lojtarëve jetën. Policia është vënë në kërkim të autorëve të ngjarjes, pasi ky nuk është kërcënimi i parë që ata bëjnë.
