Në një dhimbje koke është kthyer kontrata e lobimit me SHBA për Partinë Demokratike, ku sekretari i përgjithshëm i PD-së Arben Ristani është thirrur për të dëshmuar në Prokurorinë e Tiranës. Në prononcim për mediat Ristani ka thënë se, PD nuk ka asgjë për të fshehur në lidhje me kontratën e lobimit për zgjedhjet e 25 qershorit dhe se kjo kërkesë është bërë përmes bankës.
Hetimi nga prokuroria ka nisur pas denoncimit nga PS, ku u tha se Partia Demokratike kishte paguar 1 milionë euro nëpërmjet një kompanie offshore. Prokuroria i ka kërkuar më parë KQZ dhe PD të paraqesin dokumentacionin në lidhje me këtë çështje.
Kujtojnë se pak ditë më parë media amerikane “Mother Jones” tha se Partia Demokratike ishte mbështetur dhe loguar nga Rusia gjatë fushatës së 25 qershorit të 2017. Edhe pse kjo e fundit reagon nëpërmjet ambasadës në Tiranë duke i konsideruar këto si shpifje dhe mohuan kategorikisht që të kenë mbështetur liderin e PD apo një parti tjetër në Shqipëri.
Seli blu reagoi ashpër gjithashtu, dukë thënë se media amerikane ishte një media e dorës së dytë dhe se artikulli ishte paguar nga kryeministri i vendit, Edi Rama.
