“Presidenti i Kosovës, Hashim Thaçi duhet të japë llogari për vrasjen e Adem Jasharit” tha ish-ushtari i UÇK-së Naim Miftari. Ish luftëtari që ka qenë dhe anëtar i SHIK-ut deklaroi se Thaçi do të japë gjithashtu llogari për për konspiracione, vrasje tjera dhe tradhtia të shumta që ju bënë pas shpinës së UÇK-së.
“Hashim Thaçi herët a vonë ka për të jep llogari personale dhe klanore për vrasjen e Adem Jasharit dhe familjes Jashari por edhe llogari për konspiracione, vrasje tjera dhe tradhtia të shumta që ju bënë pas shpinës së UÇK-së”, thotë Miftaraj për “Bota sot”.
Ai shprehet kritik ndaj Thaçit edhe për gjendjen ku gjendet Kosova.
“20 vjet pas luftës së madhe të familjes Jashari, edhe sot kemi shtet karikaturë, shtet pa ushtri, pa polici të fuqishme, polici politike që se kontrollon as gjysmën e territorit tonë, pa drejtësi, pa arsim cilësor, të izoluar, të etiketuar edhe si shtet me terroristë fetar, pa ardhmëri ku gati secili qytetar donë ta braktis Kosovën, jo, këto nuk ishin ëndrrat e Adem Jasharit dhe asnjë dëshmorit, invalidit apo luftëtarit të vërtet dikur, sepse sot pasi u kryer lufta, të gjithë u shndërruan në luftëtar të rrejshëm në komandant dhe politikanë që u bën milionerë”, shtoi Miftaraj.
