Tregtia e armëve është një problematikë tjetër, ndërsa janë shumë vende që janë prekur nga ky fenomen, përfshirë edhe Shqipëria. Transporti i armëve ka një prezencë të shtuar në vendet si Bullgaria, Rumania dhe Mali i Zi. Grupet mafioze dhe struktura e tyre e organizimit është tejet e sofistikuar, çka dhe policitë e vendeve të ndryshme e kanë të vështirë çmontimin e tyre.
Grupet mafioze italiane janë më të njohurat për aktivitetin e tyre kriminal. Strategjitë e tyre të pasurimit janë nga më të ndryshmet, që nga trafiku i drogës, pastrimin e parave dhe kontrollin e strukturave politike.
Rrugët e zgjerimit të saj në Evropë dhe pikat strategjike të aktivitetit kriminal tregojnë se pas tyre fshihet një dorë e “fortë” që përkëdhelet edhe nga politika. Organizata mafioze e “Ndraghetas” ka zgjeruar aktivitetin kriminal në Evropën Lindore përmes kontrollit të porteve të rëndësishme të Holandës dhe më pas nga Gjermania për të infuencuar trgun e Evropës Lindore.
Nga Gjermania, pushtimi i Lindjes mund të ketë filluar pas rënies së murit, dyshon Forgione. Fjala e një mafiozi, të cilin hetuesit e dëgjonin gjatë një bisede telefonike më 9 nëntor 1989 thuhet: “Muri ka rënë, shko menjëherë në Berlin dhe blej gjithçka që mund të shesësh në Lindje!”
Një superaksion në janar, u arrestuan njëmbëdhjetë anëtarët e “Ndrangheta” në Gjermani. Shpesh, sipas Forgione, këto institucione qëndrojnë dhe janë shumë afër ndërtesave qeveritare dhe gjyqësore. Po si u përfshi Shqipëria në trafikun e armëve me anë të donatorit kryesor të Presidentit të Çekisë
Shqipëria me anë të donatorit kryesor të presidentit të Çekisë është përfshirë në një trafik armësh, kryesisht fishekë të vjetër, por donatori Jaroslav Strnad këtë aktivitet e ka shtrirë në edhe në vendet e tjera të Ballkanit, ndërsa raportohet se si ndihmës kryesorë ka patur personazhe famëkeqe vendase, të cilat rezultojnë të jenë hetuar për aktivitete kriminale.
Pazaret kanë përfshirë dhjetëra milionë fishekë të vjetër kinezë në Shqipëri, shitja e të cilëve është bërë nga MEICO, ku tregtinë më të madhe e realizoi pas tragjedisë së Gërdecit. Presidentit çek Milosh Zeman i pëlqen të bëjë shaka rreth gjuatjes me pushkë të gazetarëve. Politikani veteran, i cili po kandidon për t’u rizgjedhur këtë javë fitoi përçmim ndërkombëtar së fundmi, kur me një armë false bëri sikur shënjestroi median.
https://tiranatoday.com/investigimshqiperia-tregti-armesh-me-donatorin-e-presidentit-cek/
Nga shpërthimi i Gërdecit humbën jetë 26 qytetarë, ndërsa ende nuk është dhënë drejtësi për jetët e pafajshme. Por grupet e caktuara, kanë shfrytëzuar këtë tragjedi për të bërë para me shitjen e armëve. Aty kryesisht janë shitur fishekë të vjetër kinez. Kujtojmë se ngjarja e rëndë më 26 të vdekur u shënua 10 vite më parë me datë 15 mars 2008
Megjithatë, nëse Zeman do të donte t’i vinte në jetë kërcënimet e tij, donatorit të tij kryesor financiar Jaroslav Strnad nuk do t’i mungonin plumbat. Një investigim nga Projekti i Raportimit të Korrupsionit dhe Krimit të Organizuar (OCCRP) dhe Partnerët zbulon se kompanitë e lidhura me Jaroslav Strnad, financuesin kryesor të fushatës zgjedhore të Zeman, ka blerë stoqe të mëdha armësh në Ballkan me ndihmën e disa personazheve të diskutueshëm, një prej të cilëve është hetuar për aktivitet kriminal.
