Shtyhet sërish seanca e jashtëzakonshme, ku pritet të votohet mbi demarkacionin e kufirit me Malin e Zi. Kështu, duket se votimi është shtyrë për javën e ardhshme, teksa ende nuk ka një dakordësi mes partive për votimin e Demarkacionit.
Shtyrja erdhi pas një mbledhje të mbajtur mes kreut të Kuvendit të Kosovës, Kadri Veseli me krerët e grupeve parlamentare.
Edhe tentativa e tretë për ratifikimin e Marrëveshjes me Demarkacionin dështoi, ndërsa deputeti LDK-së, Driton Selmanaj tha për Insajder se seanca e radhës është caktuar për 5 mars.
Për miratimin e demarkacionit nevojiten 2/3 e votave, ose 80 vota nga 120 deputetë sa ka Kuvendi i Kosovës.
Ambasadori Greg Delaëie si dhe shefja e Zyrës së BE-së në Kosovë, Nataliya Apostolova kanë bërë thirrje për miratimin e demarkacionit, ndërsa së fundmi, këtë apel pati edhe Juncker gjatë konferencës me së sotme me Hashim Thaçin, duke e konsideruar miratimin një kriter për integrimin e Kosovës.
