Igli Tare është padyshim ndër drejtorët sportiv më të mirë që ka Italia në këto momente. Ai ka zbuluar talente të cilët sot arrijnë vlerën e miliona eurosh, por ka ndërtuar edhe një ekip që është i gatshëm për të konkurruar për trofe. Tare ka zbuluar se Lazio ka refuzuar një ofertë prej 70 milionë eurosh për mesfushorin, Milinkovic-Savic.
Sergej Milinkovic-Savic po shkëlqen në Serie A. Ai ka zgjuar interesimin e shumë klubeve Evropiane, si; Manchester United, Real Madrid, Juventus, Paris Saint-Germain e shumë të tjera. Tani, duke mos përmendur emra, drejtori sportiv i Lazios, shqiptari Igli Tare, ka zbuluar se klubi italian ka refuzuar gjatë verës 70 milionë euro për 22 vjeçarin.
“Gjatë verës, pranuam dhe refuzuam ofertë prej 70 milionë eurove për Milinkovic-Savic”, tha Tare për “Mediaset Premium”.
“Duam ta bëjmë Lazion një klub ku duan të vijnë lojtarët e jo t’i rrisim për klubet e mëdha. Kemi edhe shumë punë për të bërë, por ky është objektivi ynë. Do të ketë spekulime gjithmonë në afate kalimtare, por është pjesë e futbollit dhe ju duhet të jetoni me këtë”, shtoi shqiptari.
Tare më pas foli edhe për objektivat e Lazios, që aktualisht gjendet në zonën Champions. “Duam ta fitojmë Kupën e Italisë dhe të kualifikohemi në Ligën e Kampionëve. Nuk e përjashtojmë Europa Leaguen, por objektivi parësor është të përfundojmë në top katërshe në Serie A”, theksoi mes tjerash ish sulmuesi i Kombëtares shqiptare.
