Aktori i mirënjohur Bes Kallaku ka treguar një anë tjetër të tij, që shumë pak prej nesh e njohin. Ai ka qenë i ftuar mbrëmë në emisionin “Dua të të bëj të lumtur”, ku ka përjetuar emocione të veçanta dhe shpesh është përlotur.
Fillimisht ishte zonja Sanije, një 66-vjeçare ajo që qëndronte pas ekranit për ta falënderuar Besin që e kishte ndihmuar. Madje, ajo u shpreh se Besi dhe e ëma e tij i kishin shpëtuar jetën.
Edhe më emocionues ka qenë kronika e përgatitur në emision, ku familje të ndryshme e falënderonin Besin që u kishte qëndruar pranë.
Një video kjo mjaft prekëse, saqë aktori mbetet pa fjalë dhe përlotet në skenë, duke shfaqur anën e ndjeshme të tij.
Në këtë surprizë nuk kishte si të mungonte bashkëshortja e Besit, Xhensila e cila i ka shprehur publikisht dashurinë aktorit, ndërsa performoi edhe këngën që ia ka dedikuar atij.
Në çastet më të bukura, shfaqet edhe gjyshja e aktorit, Ija e cila shpreh dëshirën e saj për shtimin e çiftit me një fëmijë.
Nga ana tjetër, Xhensila rrëfeu një ‘sekret’ teksa u shpreh se ajo e ka menduar gjithmonë veten një nënë të një vajze dhe tha se shpreson që fëmija i parë të jetë vajzë, kurdo që të vijë ky bekim për ta.
