Dosja e aksidentit të ndodhur dy ditë më parë në Maminas, i ka kaluar për hetim Prokurorisë. Në aksident mbetën të vdekur drejtuesi i taksisë dhe Bujar Agalliu 60 vjeç dhe pasagjerja Elena Avdilllari 23 vjeçe.
Sipas dosjes së hetuesve, aksidentit ka qenë i pastër dhe nuk ka lidhje me akuzat e hedhura se 23-vjeçarja ka lidhje me personin e shpallur në kërkim.
Sakaq hidhet dritë mbi shkaqet e aksidentit. Sipas të dhënave zyrtare, 23 vjeçarja Avdillari nuk kishte lidhje me personin që është në kërkim, Fatjon Zhaporja dhe Dardan Gjeka që dyshohet se ndodhej në të njëjtën makinë me Zhaporjen. Elena Avdillari zbulohet se nuk ka shkuar të vulosë pasaportën në sportelet e Policisë Portuale, ndërsa thuhet se viktima kishte udhëtuar drejt Italisë 14 herë vetëm në vitin 2017.
Grupi hetimor ka treguar se ngjarja është kategorizuar si aksident dhe jo si vrasje, ndërkohë që shkas është bërë shpejtësia e lartë e mjetit tip ‘Benz’ dhe gabimi në parakalim. Vlen për tu rikujtuar skema e aksidentit, ku Benzi ka goditur taksinë e drejtuar nga Agalliu duke bërë që kjo e fundit të marrë goditjen e dytë në një karburant aty pranë, goditje që rezultoi fatale për dy udhëtarët.
