Partia Demokratike ka reaguar lidhur me ngjarjen e ndodhur gjatë natës, ku iu vu zjarri automjetit të këshilltarit të PD-së në Këshillin Bashkiak të Tepelenës, Xhafer Meçes.
PD dënon aktin, ndërsa i bën thirrje policisë dhe prokurorisë që të zbardhin pa vonesë ngjarjen dhe të arrestojnë autorët.
Reagimi i PD-së:
Partia Demokratike dënon me forcë aktin kriminal të zjarrvënies së qëllimshme të automjetit personal të këshiltarit të Partisë Demokratike në Këshillin Bashkiak të Tepelenës, z. Xhafer Meçe. Ne i bëjmë thirrje policisë dhe prokurorisë të zbardhin e pa vonesë ngjarjen dhe të arrestojnë e vendosin para ligjit autorët dhe porositësit e këtij akti të shëmtuar kriminal. Partia Demokratike shpreh solidaritetin dhe mbështetjen e plotë për këshilltarin tonë në Bashkinë e Tepelenës z. Xhafer Meçe dhe familjarët e tij.
