Sekretari amerikan i Shtetit, Rex Tillerson, tha se Shtetet e Bashkuara po konsiderojnë sanksione shtesë kundër individëve rusë, pas akuzave se administrata është vonuar në zbatimin e ligjit për forcimin e kufizimeve të imponuara ndaj Moskës
“Kemi ndërmarrë hapa që kanë parandaluar tashmë disa shitje ushtarake ruse, si rezultat i legjislacionit. Po shqyrtojmë edhe individë shtesë për sanksione të mundshme. Sanksionet kanë të bëjnë me ndërhyrjen e dyshuar të Rusisë në zgjedhjet presidenciale në SHBA më 2016. Kongresi e ka votuar me shumicë dërrmuese Aktin për Kundërshtimin e Kundërshtarëve të Amerikës përmes Sanksioneve, i cili i forcon sanksionet ekzistuese dhe kërkon nga administrata amerikane të marrë leje nga Kongresi për heqjen e tyre”-tha Tillerson.
Ligji është nënshkruar me hezitim nga presidenti Donald Trump, i cili ka bërë fushatë për lidhje më të ngrohta me Moskën.
