Shkrimtari i njohur Maks Velo ishte i ftuar pasditen e sotme në emisionin e Nisida Tufës “Kjo Javë” në News 24.
Velo shprehej i revotuar dhe i tronditur teksa tregonte për miqtë dhe njerëzit e tij të afërm që e çuan atë drejt burgut.
Artisti i njohur jep emra konkret lidhur me situatën e tij dhe thotë se ishin Llambi Blido dhe Safo Marko, bashkëshortja e Petro Markos ata që e kishin spiunuar.
Gjitashtu ai ka publikuar disa pasazhe nga dosja e tij duke treguar detaje të tjera rreth kësaj situate dhe shprehet qartë se ishte Llambi Blido ai që e provokonte shpesh herë me qëllime për ta futur në burg.
Reagimi i plotë:
“Është hera e parë që publikohet kjo dosje. Dosja përmban dokumente nga viti ‘73 në ’91.
Janë katër: Dosja e sigurimit, dosja e hetuesisë, doja e gjykatës dhe dosja e Spacit. Dosjen e hetuesisë dhe gjyqin e njihja, këtë të Sigurimit dhe burgut nuk e kisha parë. Aty mësova se Llambi miku im prej 10 vitesh, Llambi me pseudonimin “Semani” ka bërë 27 denoncime për mua. Unë jam ndjekur dhe jam përgjuar që nga ‘61 në ’89. Kisha 10 vite miqësi me Llambin, unë nuk bisedoja se do i bëja atentat Enverit me të bisedonim për pikturën për Pikason, ndërsa ai më provokonte vazhdimisht kur vinte në shtëpi që të më fusnin në kurth”-tha Velo
