Kamerat e sigurisë mund të ndihmojnë në identifikimin e vrasësit të biznesmenit 64-vjeçar Memli Begalla, i cili u vra në ish-Bllok.
Ekzekutori është fiksuar nga kamerat e sigurisë, ndërsa nga mënyra se si ai ka vepruar, dyshohet se është një vrasës me pagesë.
Duke iu referuar gjithnjë regjistrimeve të kamerave të sigurisë, thuhet se autori mban veshur një xhaketë të bardhë, të mbërthyer deri te buzët, ndërsa në kokë ka një kapele, e cila nuk lejon që t’i duket fytyra.
Kamerat kanë fiksuar lëvizjet e tij pas vrasjes, teksa ka ecur me hapa të lehtë pa rënë në sy, ndërsa më pas është ndihmuar nga një makinë për t’u larguar nga sheshi “Wilson”.
