Një histori sa e rrallë, aq edhe e bukur dashurie është ajo e një cifti azilantësh në Tiranë. Ka qenë pikërisht azili ai që i ka bashkuar Vangjelicën dhe Et’hemin, 83 vjeç.
Ata kanë treguar në “Top Show Magazine” historinë e tyre të veçantë të dashurisë, ndërsa Vangjelica deklaroi se vetëm pas 3 ditësh, Et’hemi i ka propozuar. Madje, ajo rrëfehet se edhe të moshuar të tjerë e kanë ngacmuar atë, por ajo tashmë e kishte gjetur dashurinë e saj.
Çifti kanë mbi 1 vit bashkë dhe siç tregon Vangjelica e kalojnë kohën bashkë duke qëndruar në korridor.
“Mos e ngisni se ajo është e imja, u thashë “çunave”, të tjerë”, tregon Et’hemi, i cili e kishte pikasur atë sapo kishte mbërritur në azil.
“Më pëlqen si njeri”, shton ai teksa flet për partneren e tij.
