PVD dhe PDSH kanë nënshkruar një marrëveshje bashkëpunimi në Këshillin Kombëtar Shqiptar. Pasi Jonuz Musliu ndërroi jetë, duket se lidhja e kësaj marrëveshjeje u përshpejtua, pasi edhe KKSH kishte mbetur pa kryetarin e vet.
Në mbledhjen e sotme të KKN u zgjodh kryetari Shukri Ymeri nga PDSH, zëvendës Ardita Sinani nga PVD, kurse për kryetar të këshillit ekzekutiv u zgjodh Galip Beqiri nga PVD.
Kryetari i porsazgjedhur, Shukri Ymeri deklaroi: “Duke falënderuar të gjithë ata që më përkrahën, do të vazhdoj të punoj në rrugën që e la edhe i ndjeri zoti Musliu në përmbushjen dhe realizimin e kërkesave tona kombëtare në bazë të katër shtyllave të Këshillit Nacional Shqiptar”, theksoi ai pas zgjedhjes, raporton rtvpresheva.com.
Ai theksoi se do të vazhdojë të udhëheqë dhe bashkëpunojë gjithmonë me anëtarët si dhe të zbatojë vendimet të cilat merren këtu me përkushtim.
Shukri Ymeri mbante postin e kryetarit të organit ekzekutiv nga muaji Tetor i vitit 2014, ndërsa tani është zgjedhur në krye të Këshillit Kombëtar Shqiptar pas vdekjes së Musliut.
