Merkato është mbyllur prej disa ditësh, por për një lëvizje kaq të madhe asnjëherë nuk shuhen zërat. Thashethemet sa vijnë dhe shtohen për një kalim të mundshëm të Neymar nga Parisi në Madrid. Është folur shumë dhe janë hedhur hipoteza të ndryshme për faktin ylli brazilian kërkoi një kalim në Francë si fillim për të mos kaluar nga Barcelona tek rivali direkt.
Së fundmi janë dy brazilianët për këtë çështje, njëri i PSG-së e tjetri i Real Madridit, bëhet fjalë për Thiago Silvan dhe Marcelon. Silva tha se nuk i takon atij të flasë për këtë temë, duke shpresuar se Neymari do të vazhdojë të qëndrojë te PSG-ja edhe pas përfundimit të këtij edicioni.
Në anën tjetër, Marcelo, tha se blerja më e shtrenjtë e merkatos do ta veshë një ditë fanellën e “Los blancos”. “Ai do ta veshë një ditë fanellën e Realit”, tha mbrojtësi i Brazilit, ndërsa kur u pyet nëse do të përshtatet, ai u përgjigj: “Po, do të përshtatej, sigurt”.
Kështu, Goal.com ka bërë disa formacione të mundshme se si do të dukej 11-shja startuese e Realit nëse gjatë verës e transferon 26 vjeçarin brazilian.
