Lojërat Olimpike duket se kanë qenë pozitive për përmirësimin e marrëdhënieve midis Koresë së Veriut dhe Koresë së Jugut. Mediet e huaja po flasin për mundësinë e një ftesë së Kim Yo Jong, motrës së liderit koreano-verior, ndaj presidentit të Koresë së Jugut Moon Jae-in, për të vizituar kryeqytetin e Koresë së Veriut.
Burime diplomatike thonë se ftesa mund të vijë këtë vit, por asgjë nuk është vendosur ende, ndërsa vizita e Moon në Korenë e Veriut do të ishte hera e parë që një president i Koresë së Jugut shkel në vend që nga viti 2007.
Një datë e mundshme do të ishte 15 gushti, dita kur Koreja u çlirua nga zaptimi japonez në vitin 1945, një festë e shënuar nga të dy Koretë.
Ftesa për presidentin Moon për të shkuar në veri mund të bëhet në një drekë mirëpritëse të planifikuar të shtunën, disa burime diplomatike me njohuri të thella për qëllimet e Koresë së Veriut i thanë CNN-së.
Nga ana tjetër, zëdhënësi presidencial i Koresë së Jugut konfirmoi të premten se Moon planifikon të takojë Kim Yo Jong dhe tre delegatë të tjerë të nivelit të lartë në margjinat e Olimpiadës Dimërore të shtunën, ndërsa tha se nuk do të ketë asnjë koment mbi mundësinë e një vizite nga udhëheqësi i Koresë së Jugut në Penian. TIRANA TODAY
