Teksa ndodhet për një vizitë në Shtetet e Bashkuara të Amerikës, Presidenti i Kosovës, Hashim Thaçi ka folur në lidhje me zhvillimet e fundit në Evropë dhe çështjet që shqetësojnë më shumë Kosovën.
Thaçi në një intervistë për VOA deklaroi se Kosova duhet të avancojë në rrugën e anëtarësisë drejt Bashkimit Evropian, ndërsa kjo është një qasje që iu intereson të gjithë aktorëve.
Për demarkacionin,Thaçi tha se duhet të kalojë sa më shpejt, ndërsa nënvizoi se Kosova dhe Serbia duhet të arrijnë marrëveshje.Kosova po punon intensivisht për një konsensus të gjerë politik mes Kosovës dhe Serbisë, ndërsa theksoi se po bëjmë gjithçka për të përmbushur detyrat dhe përgjegjësitë tonë si shtet, por shtoi se Kosova do të jetë pjesë e Organizatës së Kombeve të Bashkuara.
“Kosova dhe Serbia duhet të arrijnë marrëveshje. Me arritjen e marrëveshjes, Kosova do jetë në OKB. Po punojmë për konsensus politik. Kosova do të kryejë obligimet e veta”- theksoi Thaçi.
Ndërkohë më herët, Presidenti Thaçi ka shtuar se Bashkimi Evropian ka dështuar në lidhje me përcaktimin e një strategjie të qartë në lidhje me rrugën evropiane të shtetit të Kosovës. Sipas tij, BE-ja ka dështuar në këtë pjesë, por problemi me demarkacionin me Malin e Zi duhet të zgjidhet sa më shpejt, në mënyrë që të hapen porta të reja për qytetarët e Kosovës.
