Analisti Besnik Mustafaj ka komentuar aktualitetin politik, teksa ishte i ftuar në rubrikën ‘Opinion’, në News 24. Ai pohoi se kryesisht vlerësimet që kanë ardhur nga Brukseli për Shqipërinë kanë qenë deri diku pozitive, ndërsa theksoi se Brukseli kërkon Ballkan me standarde.
Po ashtu, Mustafaj tha se Shqipëria ka qenë gjithmonë faktor paqeje ndërsa Serbia nxitëse për luftëra, duke shtuar se këto dy vende do ecin në një rrugë drejt BE, raporton BË:
“Vlerësimet që vijnë nga Brukseli nuk kanë qenë negative. Makineria dhe një nga kritikat që vijnë nga Brukseli, pëlqen këtë gjuhë dhe kjo nuk thotë asgjë. Shqipëria ka probleme me Greqinë, por janë pa ngarkesa të mëdha, përjashtuar nga çështja e kufirit me detin. Të marrin parasysh problematikat që ka Greqia me Maqedoninë, apo Serbia me Kosovë, këtu ndërhyn emocioni publik. Është një rast fatlum që të sheshohen ato probleme. Deri tani nuk janë sheshuar dot këto probleme.
Një pjesë e madhe e problematikave, janë në Greqi që është pjesë e BE. Përpjekjet dhe vullnetin duhet ta japë Greqia. Fjala ‘reformat’ është e konsumuar. Janë disa reforma që janë të rëndësishme për procesin e integrimit. Reforma në drejtësi do të vlerësohet kur të japë rezultatet e para, që të bjerë ajo akuzë që bën opozita.
Unë besoj se Shqipëria dhe Serbia, përveç simbolikës së historisë, Shqipëria ka qenë faktor paqe, Serbia nismëtare për luftën, s’e besoj se vendi ynë do lihet një hap pas Serbisë.”
Mustafaj u ndal edhe tek çështja detare me Greqinë, ndërsa shtoi se caktimi i kufirit nuk është kusht i BE.
“Caktimi i vijës detare nuk është kusht i BE, për sa kohë nuk ka tension mes dy vendeve. Greqia se ka me fqinjët e saj. Është anëtare e BE dhe NATO-s. Besoj se po ndiqet rruga e gabuar në zgjidhjen e këtij problemi. Nuk do të mundet të gjendet paqja në opinionin publik nëse nuk gjendet zgjidhja. Kandarë farmacie në caktimin e këtyre marrëveshjeve nuk ka”, theksoi ai.
