Ambasadorja e BE-së në Tiranë, Romana Vlahutin tha se BE-ja nuk tërhiqet nga kërkesa për zbatimin e 5 prioritete kyçe. Ajo tha se këto prioritete nuk mund të negociohen. Në një deklaratë për median Vlahutin foli më konkretisht për hapjen e negociatave. Ambasadorja e BE-së i ka përcjellë një mesazh të qartë për vendin tonë, ku kërkoi të zbatohen reformat e nisura dhe të bëhet një vend më të sigurt për jetën e qytetarëve. Ajo deklaroi se Shqipëria ka punuar shumë për reformën në drejtësi.
“Opozita të kryejë rolin e saj dhe të përfshihet në procesin demokratik. Marrëdhëniet me fqinjët dhe bashkëpunimi rajonal. Është shumë e rëndësishme për të mos harruar se afatet kohore janë indikative dhe shpejtësia do varet nga progresi i secilit nga gjashtë vendet. Raportet do të komunikohen në prill.
Sa më shumë reforma të zbatoni aq më shpejt do të arrini objektivin. Shqipëria ka bërë një gjë shumë të rëndësishme për reformën në drejtësi. Shqipëria ka bërë mjaft punë përpara dhe ka përfituar në kohë për të ardhmen, kështu që ka mundësi reale për të hapur negociatat.
Mesazhi im është t’i kthehemi punës, të punojmë edhe më fortë, kjo është një pranverë shumë e rëndësishme për Shqipërinë. Të punojmë së bashku që jetën e qytetarëve shqiptarë ta bëjmë më të sigurt, më të mirë dhe më të begatë. Këto janë të arritshme, por duhet më shumë përkushtim dhe angazhim.
Por ritheksoi se mundësia për të hyrë në BE janë 5 prioritetet kyçe që ne kemi dhe ato janë të pa negociueshme, deklaroi Vlahutin.
