Një gjyshe çame ka paralajmëruar sot kryeministrin Edi Rama që të tregohet i kujdesshëm me marrëveshjet që bën sepse do e marrë pas koke atë që po bën.
E moshuar me origjinë nga Çamëria ka marrë pjesë në protestën e sotme përpara Kryeministrisë, për të kundërshtuar marrëveshjen e detit midis Shqipërisë dhe Greqisë dhe për të mbrojtur kauzën e çështjes çame.
“Jam çame nga Çamëria. Kam ardhur që 6 vjeçe, tokat i kam të gjitha atje. Çamërinë nuk e lëmë, ta marrim. Por ky mbreti që kemi, të ulët pak, si vlonjat. Të ulet se është shumë i lartë, se mu këtu do e marri (tregon kokën me dorë). Ai të ulet, se është vlonjat”, ishte mesazhi i gjyshes çame për kryeministrin Rama.
Ndërkohë, me qindra qytetarët kanë kundërshtuar marrëveshjen e detit midis dy qeverive dhe i bën thirrje Ramës dhe Ditmir Bushatit që të tërhiqen prej saj, raporton politiko. Kjo është protesta e parë që pas takimit të Bushatit me Kotzias në Korçë. Deri tani në media kanë dalë vetëm informacione sporadike por asgjë zyrtare.