Një 54-vjeçar ka ushtruar dhunë ndaj djalit të tij 24-vjeçar. Mësohet se shtetasi Nikolin Suli, nën efektin e alkoolit, ka tentuar të godasë me thikë të birin me iniciale A.S.
Ngjarja ka ndodhur mbrëmë në zonën e Kombinatit, ndërsa menjëherë pas njoftimit ka ndërhyrë policia në banesë, ku ka arrestuar 54-vjeçarin në flagrancë me një thikë në dorë, teksa po përpiqej të qëllonte të birin.
Sipas burimeve 54-vjeçari kishte më shumë se 7 vite që ishte i varur nga alkooli dhe kishte sjellje agresive ndaj familjarëve të tij. Kjo ishte hera e parë që për këto konflikte në familje është kërkuar ndihma e policisë.
